Joan den astean jardunaldi interesgarri bat antolatu zuen UEUk on line unibertsitateaz edo, beraiek esatea nahiago dutenez, unibertsitate irekiaz. Ainhoa Latatu UEUko unibertsitateetako arduraduna izan dugu gaurko Hizpidea magazinean UEUK 2003. urteaz geroztik bultzatzen diharduen egitasmo honetaz mintzatzen. Jardunaldietan herri erakundeetako —Euskaltzaindia, Gipuzkoako Foru Aldundia eta Eusko Jaurlaritza— ordezkariez gain, Euskal Herriko unibertsitate guztietako ordezkariak ere izan ziren. Bestalde, Carles Sigalesek, Kataluniako Universitat Overta delakoaren erretoreorde denak, beren proiektuaren nondik norakoak azaldu zituen. Ainhoak Latatuk ederki laburbildu ditu jardunaldian landuriko ideia nagusiak.
Deskargatu Hemen.