Asteartean, Bilboko Konpartsek Aste Nagusiaren sorrera eta hasierako urteak nolakoak izan ziren kontatzen duen dokumentala aurkeztu zuten Arriaga antzokian. Konpartsak antolaketaren erdigune diren egungo jai eredu herritar eta parte hartzailearen oinarriak ezarri ziren urte horietan, hainbat gazte irudimentsuren elkarlan eta ausardiari esker, eta hastapen horien kontaketa egiten digu, hainbat testigantza eta garaiko irudi bilduta, Mercé Cortinak eta Fernando Garciak zuzendu duten dokumental honetan. Aurkezpenaren ondoren, Bilboko Konpartsen Youtube kanalean ezarri dute dokumentala osorik.
Bilboko Konpartsek “Amets nagusia” dokumentala aurkeztu dute
