Erraza da etsiak jota egotea. Erraza, beste Ez Dok Hamairu bat behar dugu, esatea. Eraikitzea, inoiz izan ez dugun Arkadia zoriontsua, geure buruetan. Gazterik gabeko gaztedi bat, herritarrik gabeko herri bat, bilbaotarrik gabeko Bilbo bat, historiarik gabeko iragan bat erreklamatzea bezala.
Baina, lehen eremuz kanpoko sotoa da hau, eta Ibon Rodriguez dugu gurean. Eremuz Kanpoko Sotoa dugu hau, eta bada ondo ikusi duenik hau egitea. Horrek dena aldatzen du, apur baten, edo gauza apur batzuk aldatzen ditu, erabat. Ibon Rodriguez dugu gurean, eta horrek are gehiago aldatzen du dena, oraintxe bertan eta hementxe bertan bederen. Harekin jaio baitzen, besteak beste, hau antolatzeko premia. Hura ikusi gauzak egiten, gauzak antolatzen, eta egin beharra, antolatu beharra sentitu. Beharra, Premia, Larritasuna, Gura.
Jende zoragarria dago, gauza miresgarriak egiten.
Saioa jaisteko, sakatu HEMEN.
Eta hemen, saioaren bideoak:
Sun Ra: a Joyful Noise dokumentala:
https://www.youtube.com/watch?v=GXt_NLr9lIA
