Aste Nagusi honetan programazio berezia egingo du Bilbo Hiria irratiak egunero zuzenean jaien berri jai-eremutik bertatik ematen. Igandetik larunbatera 12:00etatik 14:00etara gure estudioa kalera aterako dugu eta ALGARA txosnatik emitituko dugu zuzenean bi orduko saioa. Elkarrizketak, kronikak, agenda iragarpenak, musika… Aste Nagusia euskaraz bizi dutenen lagun eta euren isla izango da gure zuzeneko sintonia, FMaren 96.0 dialean zein Interneten. Ondoren ere, hemen entzun ahal izango dira saio horiek. Argazkia: Bilboko Konpartsak.
Bilbo Hiria Aste Nagusian egunero jai-eremutik zuzenean
