Legealdi honi dagokion azken udalbatzarra hilaren 30ean egingo dute Barakaldon. Gotzon Hermosillak kontatu digunez, bertan, besteak beste, EH Bilduren proposamena eztabaidatuko dute: udal horrek Francori 1950ean emandako domina kentzea alegia.
Martxoan izan zen Bilbon PANNAGHen aurkako epaiketa eta afera ez da bukatu, absoluzioa eman zuen sententziaren kontra fiskalak helegitea jarri duelako. PANNAGHen aurkako epaiketan fiskalak eskatutako zigorrak gogorrak ziren, droga trafikoa leporatuta. Martin Barriusok azaldu duenez, epaiketan argi geratu da elkarte horren xedea eta eguneroko lana, eta horrexegatik, bost akusatuak […]
