Barrualdea. Eguna. Taberna bat. Hiru lagun, hiruki bat: Odile, Franz eta Arthur. Minutuko isilune bat egitea erabaki dute, ez inor hil delako, esateko ezer ez dutelako baizik. Minutu bat, 36 segundo irauten duena, baina eternalekoa zaiguna, eurak ez ezik taberna osoa, autoak eta edalontzien beira-talkak ere isildu baitira. Musika jarri, mahaitik altxa, eta Amerikako Estatu Batuetan famatu egindako dantza bati ekiten diote, Madison izena omen duena. Ez dute alferrik ingeles eskoletan ezagutu elkar, ez dira alferrik lapur traketsak, lapurreta traketsei buruzko film ez hain amerikarrean.
Bidean, mozkor batek: Inperioak jausi egiten dira; Errepublikak, sortu. Eroek eurenean darraite.
“Les films devraient avoir un début…
(…) un milieu (…)
(…) et une fin, (…)
(…) mais pas forcément dans cet ordre.”
Podcasta jaisteko, klikatu HEMEN