Bilboko Arrosa sareko euskal irratiok, Bilbo Hiria eta 97 irratia, elkarlanean 2015eko Aste Nagusian zuzeneko irrati saioa egingo dugu, astelehenetik larunbatera, egunero 12:00 eta 14:00 bitartean, jaien jarraipena egiteko. Jai eremutik bertatik emitituta, elkarrizketak eta erreportajeak egongo dira, eta egunez egun egitaraua aurkeztuko dugu gonbidatu askorekin.
Eduki irekiak izango dira, hedapenerako baimen osoarekin, eta, zuzenean igortzeaz gain, egunero podcast moduan eskegiko ditugu bilbohiria.eus eta 97irratia.info webguneetan.
Iragan urtean Aste Nagusiari jarraipena bertatik bertara eta zuzenean egiteko asmoa gauzatu zuen Bilbo Hiria irratiak. Irratia kalera atera zen, ikusgarri egin zen. Elkarrizketa ugari egin ziren, era askotako lagun mordoa igaro baitziren gure mikrofonoetatik. Aurten, Aste Nagusiaren jarraipen hori zabaldu egingo dugu 97 irratiarekin elkarlanean. Bestalde, URIOLAk eta Hamaika Telebistak ere programazio berezia egingo dute Aste Nagusiaren jarraipena egiteko.
Zeuen informazio edo proposamenak bidali ditzakezue bilbohiria@zenbatgara.org helbidera idatzita.