Emakumearen Nazioarteko Egunaren karietara, kulturaren bidetik ere jo nahi izan dugu gaurko Hizpidea magazinean eta lehenbiziko emakume bertsolariaz ditugun datu apurrak gogora ekarri. Argia astekariaren zuzendari dugun Estitxu Eizagirrek lagundu digu horretan, hil honen 4an “Plazidatik plazara” izeneko hitzaldia eman baitzuen Zizurkilen Plazida Otañori buruz, lehen emakume bertsolariari buruz, alegia. Pasadizo ugari kontatu digu Estitxuk, baina, oroz gainetik, emakume bertsolariaren garrantzia eta duintasuna aldarrikatu ditu.
HIZPIDEA: Plazida Otañoz, lehen emakume bertsolariaz
